Bakı Qızlar Universiteti tələbələri köçürüldü: Yeni ünvanlar

Bakı Qızlar Universitetinin təhsil fəaliyyətinin dayandırılması ilə əlaqədar olaraq, tələbələrin digər ali təhsil müəssisələrinə köçürülməsi prosesi həyata keçirilib. Bu çərçivədə, 366 bakalavr tələbəsindən 191-i Azərbaycan Universitetinə, 175-i isə Odlar Yurdu Universitetinə köçürülüb.

Minval.info xəbər verir ki, Azərbaycan Universitetinə köçürülən 191 tələbənin ixtisaslar üzrə bölgüsü belədir: Coğrafiya müəllimliyi üzrə 8 nəfər, Təhsildə sosial-psixoloji xidmət üzrə 57 nəfər, Filologiya (Azərbaycan dili və ədəbiyyatı) üzrə 29 nəfər, Azərbaycan dili və ədəbiyyatı müəllimliyi üzrə isə 40 nəfər.

Odlar Yurdu Universitetinə köçürülən 175 tələbə isə Məktəbəqədər təhsil üzrə 39 nəfər, Riyaziyyat və informatika (rəqəmsal bacarıqlar) müəllimliyi üzrə 31 nəfər, Xarici dil müəllimliyi (ingilis dili) üzrə 41 nəfər, Filologiya (İngilis dili və ədəbiyyatı) üzrə isə 29 nəfərdən ibarətdir.