Bakı metrosunda inqilabi yeniliklər: İnterval azaldılır, sərnişin axını rahatlaşır

Bakı metrosunda həyata keçirilən yeni layihələr, şəhərdəki tıxacları azaltmaq və sərnişin axınını daha rahat etmək məqsədi daşıyır. Bu yeniliklər metronun hər iki xəttində qatarlar arasındakı intervalı 2 dəqiqəyə endirəcək.

Minval.info xəbər verir ki, “Bakı Metropoliteni” QSC-nin mətbuat xidmətinin rəhbəri Bəxtiyar Məmmədovun açıqlamasına görə, layihələr tamamlandıqdan sonra qatarlararası intervalın azalması ilə yanaşı, ehtiyat qatarlar da nəzərdə tutulacaq və sərnişin axını daha səmərəli tənzimlənəcək.

Məmmədovun sözlərinə görə, xətlərin müstəqil fəaliyyət göstərəcək olması layihənin əsas üstünlüklərindən biridir. Bu, bir xətdə baş verən nasazlığın digər xətlərin işinə təsir etməməsini təmin edəcək. Məsələn, “Qırmızı xətt”də problem yaranarsa, “Yaşıl” və “Bənövşəyi” xətlər normal rejimdə işləməyə davam edəcək.

Paytaxtın bəzi ərazilərində qaz təchizatı dayandırılacaq

ƏLAQƏLİ

Bunu da oxu

Paytaxtın bəzi ərazilərində qaz təchizatı dayandırılacaq

03.10.2026 - 19:09

Gələcəkdə 10 yeni metro stansiyasının tikintisi də planlaşdırılır ki, bu da sərnişindaşıma imkanlarını artıracaq və şəhər mərkəzinə yönələn yerüstü nəqliyyatın yükünü azaldacaq. Bu layihələr, həmçinin ictimai nəqliyyatın daha səmərəli təşkilinə və mobilliyin artırılmasına töhfə verəcək.

“28 May” – “Həzi Aslanov” istiqamətində sərnişin axınlarının qarışmasının qarşısı alınacaq və metropolitenin istismarı daha səmərəli təşkil olunacaq. Məmmədov bildirib ki, hazırda “Həzi Aslanov” istiqamətindən gələn sərnişinlər “28 May” stansiyasında istədikləri marşrut üzrə hərəkət etmək üçün bəzən bir qatarı buraxaraq növbəti qatarı gözləməli olurlar. Lakin layihə başa çatdıqdan sonra sərnişinlər qarşılarına çıxan ilk qatarla rahat şəkildə mənzil başına çata biləcəklər.

Layihənin Bakı Metropoliteni üçün əsas əhəmiyyəti sərnişindaşıma imkanlarının artırılması, hərəkətin təhlükəsizliyinin yüksəldilməsi və istismarın daha səmərəli təşkil edilməsidir. Şəhər baxımından isə layihə ictimai nəqliyyatın fəaliyyətini yaxşılaşdıracaq, fider zonalarında avtobus və taksi marşrutlarının metro ilə inteqrasiyasını gücləndirəcək, mobilliyi artıracaq və Bakıda sürətlə inkişaf edən mikromobillik həllərinin daha da genişlənməsinə şərait yaradacaq.