“Bəzi xanəndələr uzun geyinib, elə həyat yaşayırlar ki…”

"Bəzi xanəndələr uzun geyinib, elə həyat yaşayırlar ki..."

Müğənni Səidə Sultan Əməkdar artist Nigar Şabanova ilə bağlı dediyi sözlərə aydınlıq gətirib.

Bunu da oxu

Mayk Tayson İstanbula gəldi: Bu serialda rol alacaq?

27.10.2026 - 12:14

Axşam.az xəbər verir ki, ifaçı verilişdə sözlərinin montaj edildiyini, fikirlərini xanəndəyə aid etmədiyini açıqlayıb:

“Sual verdilər ki, dəflə oxuyan xanəndələrin estrada ifa etməsi uyğun gəlmir. Mən də cavab verdim ki, dəf dini bir alətdir? Camaat dəflə hind rəqsi oynayır. Orada Nigar Şabanovanın adını çəkdilər. Qayıtdım ki, dəflə ifa edən xanımlar məndən yaxşı maşın sürüb, yaxşı yaşayırlar. Dəfin buna nə dəxli var? Dəflə oxuyanda abırlı, dəfsiz abırsızsan? Sözü Nigara demədim, hələ təriflədim də… Dedim ki, ona dəfsiz oxumaq da yaraşır. Maqazin verilişlərinə səslənirəm, məni çağırmayın. Sərt söz deyirəm, verə bilmirsinizsə verməyin. Nigar mənə zəng edib ki, nə məsələdir. Qıza dediyim tərifi də verməyiblər. Nigarın haqqı var desin ki, sənə nə pisliyim dəyib? Sözümü verə bilmirsinizsə, çağırmayın. Mən sözümü muğam oxuyan o qızlara demişəm: uzun geyinir, əllərində dəf, məndən yaxşı yaşayırlar. Elə şeylər yaşayırlar ki, heç mən onun 1 faizini yaşamamışam. Onlara dedim ki, abırdan danışırsınızsa, hərə öz yaşayışına baxsın. Nigar, səni tanıyıram, sənin haqqında elə söz demərəm”.