Əməkdar artist Bəhram Bağırzadə “İnstagram”da paylaşdığı statusu ilə diqqət çəkib.


Minval.info bildirir ki, o, ermənilərə səslənərək, aşağıdakıları qeyd edib:

“Mən- Azərbaycanın Əməkdar artisti Bəhram Bağırzadə, insan nitqini hələ də qavraya bilən hər kəsə müraciət edirəm. Son onilliklər ərzində Azərbaycan bir çox dünya səviyyəli layihələr həyata keçirib. Ancaq əsas odur ki, biz 10 milyon olduq. Çünki prezidentimiz İlham Əliyev başda olmaqla, yaratdığımız gələcəyimiz var.

Siz isə əbədi müharibənizlə təkbətək qaldınız və nə vaxtsa həyatla, dahi musiqi ilə, bülbüllərin cəh-cəh ilə bürünən Qarabağ torpağını yer üzündə cəhənnəmə çevirdiniz. Xalqınızı nifrət virusu ilə yoluxdurdunuz.

Nəsillərinizə nəyi miras qoyacaqsınız? Yanmış torpaqlar, mina dolu sahələr, əsgərləriniz üçün məzar daşları, analarınız üçün qara matəm rəngi? Düşünün!

Qarabağı tərk edin, onu dağıdıcı varlığınızdan azad edin. Biz qələbə çalacağıq, çünki həqiqət, ədalət və Allah bizim tərəfimizdədir.

Biz qələbə çalacağıq, çünki sülh və yaradılış üçün doğulmuşuq. Qarabağ Azərbaycandır!”