Azərbaycanın texnoloji inkişafı üçün yeni təşəbbüs: MoveUP

Azərbaycanın maliyyə və texnologiya sahəsindəki aparıcı liderləri tərəfindən ‘MoveUP’ adlı yeni bir təşəbbüs yaradılıb. Bu qeyri-kommersiya icması, ölkənin rəqəmsal inkişafını sürətləndirmək və texnoloji potensialını gücləndirmək məqsədini daşıyır. ‘MoveUP’, ‘Bir’, ‘Azerconnect’, ‘Azercell’, İnnovasiya və Rəqəmsal İnkişaf Agentliyi (IDDA), ‘Unibank’ və Türkiyənin ‘Innovance’ kimi qabaqcıl şirkətlərin birgə təsisçiliyi ilə formalaşıb.

Minval.info xəbər verir ki, bu platforma, texnologiya peşəkarlarını, akademik dairələri və sənaye tərəfdaşlarını bir araya gətirərək, ortaq çağırışların müzakirəsi və həlli üçün əməkdaşlıq mühiti yaradır. Təşəbbüs, beynəlxalq təcrübənin paylaşılmasına, yerli peşəkarların inkişafına, süni intellektin tətbiqinin sürətləndirilməsinə və yeni yanaşmaların formalaşmasına imkan yaradacaq.

Təsisçilərin birgə bəyanatında vurğulanır ki, Azərbaycanın rəqəmsal sektorunun gələcəyi yalnız güclü şirkətlərdən deyil, həm də güclü peşəkar icmadan asılıdır. ‘MoveUP’, fərdlərin və təşkilatların bir-birindən öyrənəcəyi, təcrübə mübadiləsi aparacağı və birlikdə inkişaf edəcəyi bir məkan yaratmaq məqsədi daşıyır.

ƏLAQƏLİ

Bunu da oxu

Azərbaycan və İordaniya arasında vizasız səyahət!

07.09.2026 - 18:38

İlk ‘MoveUP’ tədbiri icmanın fəaliyyətinə start verib. Açılış tədbirində təsisçi üzvlər, o cümlədən ‘Bir’-in rəhbər heyətinin üzvləri, ‘MoveUP’-ın Azərbaycanın texnoloji inkişafındakı rolundan danışıblar. Çıxışlarda icmanın yerli texnologiya ekosistemi ilə beynəlxalq təcrübə arasında körpü yaradacağı və Azərbaycanın Qafqazın texnologiya mərkəzinə çevrilməsi kimi ortaq məqsəd ətrafında birləşdirəcəyi vurğulanıb.