Avropa Komissiyası: Qaz və "yaşıl enerji" Aİ və Azərbaycan əməkdaşlığının mərkəzində qalacaq

Avropa İttifaqı (Aİ) “təmiz enerji”nin inkişafına daha çox diqqət ayıraraq, qaz sahəsində Azərbaycanla əməkdaşlığını davam etdirəcək. Baku.ws-ın məlumatına görə, bu barədə Avropa Komissiyasından “Report”a Aİ-Azərbaycan Yüksək Səviyyəli Enerji Dialoqunun son iclasını şərh edərkən bildirilib.

Azərbaycan Energetika Nazirliyinin verdiyi məlumata əsasən, oktyabrın 2-də Brüsseldə keçirilən Azərbaycan-Aİ Yüksək Səviyyəli Enerji Dialoqunun IV iclasında tərəflər qaz tədarükü perspektivlərini, bərpa olunan enerji mənbələrinin inkişafını və “yaşıl enerji” dəhlizlərini müzakirə ediblər.

Avropa Komissiyasının nümayəndəsi bildirib ki, enerji dialoqu çərçivəsində qaz sahəsində əməkdaşlığın davam etdirilməsi təsdiqlənib, lakin eyni zamanda “təmiz enerji”yə də diqqət yetirilir. Bu istiqamət mart ayında komissar Dan Yorgensenin Bakıya səfəri zamanı müəyyən edilmişdi.

ƏLAQƏLİ

Bunu da oxu

Avropa İttifaqının borcu 2027-ci ilə qədər 1 trilyon avroya çata bilər

08.10.2026 - 15:48

Xatırladaq ki, bu ilin martında Bakıda energetika üzrə komissar Dan Yorgensen və Azərbaycanın energetika naziri Pərviz Şahbazov Cənub Qaz Dəhlizi Məşvərət Şurası çərçivəsində nazirlərin iclaslarına həmsədrlik ediblər. Tərəflər təbii qaz tədarükü və enerji təhlükəsizliyi ilə yanaşı, bərpa olunan enerji sahəsində əməkdaşlığı da müzakirə ediblər.

Azərbaycan 2025-ci ildə Avropaya 12,8 milyard kubmetr, 2026-cı ilin ilk 8 ayında isə 7 milyard kubmetrdən çox qaz tədarük etməyi planlaşdırır. Bu il Azərbaycan qazı ilk dəfə olaraq Almaniya və Avstriyaya daxil olub, bu da Aİ ölkələrinin sayını 10-a çatdırıb.