Azərbaycanda saatlıq əməkhaqqı sistemi tətbiq ediləcək

Azərbaycanda saatlıq əməkhaqqı sisteminin tətbiqi planlaşdırılır. Baku.ws-ın məlumatına görə, bu, Əmək Məcəlləsinə ediləcək dəyişikliklərdə öz əksini tapıb.

Sənədə əsasən, saatlıq əməkhaqqı müəyyən iqtisadi fəaliyyət sahələrində, bir aydan az müddətə əmək müqaviləsi bağlanan iş yerlərində və həftəlik iş vaxtı 20 saatdan az olan işlərdə tətbiq ediləcək. Bu sistem büdcədən maliyyələşən müəssisələrdə də müəyyən şərtlər daxilində icra olunacaq.

Əmək haqqı saatlıq müəyyən edilən işçilərin iş saatına görə əməkhaqqı minimum saatlıq əməkhaqqından aşağı ola bilməz. İşçinin iş vaxtının az olduğu hallarda belə, əməkhaqqı minimum saatlıq əməkhaqqı ilə uyğunlaşdırılmalıdır.

ƏLAQƏLİ

Bunu da oxu

Ukraynadan gətirilən daha bir yağ məhsulunda uyğunsuzluq aşkarlanıb

05.11.2026 - 15:04

Dəyişikliklər həmçinin əməkhaqqı və digər ödənişlərin elektron sistemlərlə ödənilməsini, qeyri-formal məşğulluğun qarşısının alınmasını və əməyin ödənişinə nəzarətin gücləndirilməsini nəzərdə tutur. Bu, işəgötürənlərin iş yükünü azaldacaq və əməyin ödənişinin tam elektronlaşmasına gətirib çıxaracaq.

Bundan başqa, əmək məzuniyyətinin minimum müddətinin kompensasiya ilə əvəz edilməsi qadağan ediləcək. Əmək məzuniyyətinin başqa vaxta keçirilməsi ilə bağlı daha dəqiq qaydalar müəyyən ediləcək.