Azərbaycan və ABŞ enerji sahəsində əməkdaşlıq imkanlarını müzakirə edib

Azərbaycan və ABŞ-nin “Brookfield Asset Management” şirkəti arasında enerji keçidi, enerji saxlancı və bərpa olunan enerji sahələrində əməkdaşlıq imkanları müzakirə olunub.

Minval.info xəbər verir ki, bu barədə Azərbaycan iqtisadiyyat naziri Mikayıl Cabbarov “X” sosial şəbəkəsində paylaşım edib. O, İkinci Azərbaycan Beynəlxalq İnvestisiya Forumu çərçivəsində “Brookfield Asset Management” şirkətinin baş icraçı direktoru Konor Teski ilə görüşdüyünü bildirib.

Mikayıl Cabbarovun sözlərinə görə, görüşdə şirkətin real aktivlərə yönəlmiş qlobal investisiya fəaliyyəti çərçivəsində Azərbaycanda investisiya marağı doğuran sahələr və mümkün layihələr ətrafında fikir mübadiləsi aparılıb. Həmçinin rəqəmsal infrastruktur və digər istiqamətlərdə investisiya imkanlarının araşdırılması məsələləri də nəzərdən keçirilib.

ƏLAQƏLİ

Bunu da oxu

Mercedes Almaniyada yatırımları dayandırdı, zavod bağlamaları müzakirə edir

13.11.2026 - 16:24

Bundan əlavə, nazir “Vista Equity Partners” şirkətinin təsisçisi və sədri Robert F. Smith ilə də görüş keçirib. Bu görüşdə ölkəmizin investisiya potensialı, qlobal maliyyə bazarlarında yaranan imkanlar və qarşılıqlı maraq doğuran yeni investisiya istiqamətləri müzakirə edilib.