Azərbaycan əlifbasında dəyişiklik gözlənilmir: AMEA açıqladı
Özbəkistan parlamentinin yuxarı palatası latın qrafikası əsasında özbək əlifbasının strukturunu dəyişən qanun qəbul edib. Yeni standarta əsasən, özbək əlifbası 26 hərf və 3 hərf birləşməsi əvəzinə 28 hərf və 1 apostrofdan ibarət olacaq. Bu dəyişikliklər Azərbaycanda da əlifba islahatları ilə bağlı müzakirələrə səbəb olub.
Minval.info xəbər verir ki, AMEA-nın Nəsimi adına Dilçilik İnstitutunun Toponimika şöbəsinin müdiri, dosent Elçin İsmayılov Azərbaycan əlifbasında hər hansı dəyişikliyin edilməsinə ehtiyac olmadığını bildirib. O, apostrofun bərpasına da ehtiyac görmədiyini vurğulayıb. “Sağır nun” və “iş” səslərinin müstəsna hallarda onsuz da yazıla bildiyini qeyd edən dosent, mövcud əlifbanın imkanlarından istifadə etməyin mümkün olduğunu söyləyib.
Elçin İsmayılov əlavə edib ki, əlifbanın tez-tez dəyişdirilməsi artıq keçmişdə qalıb və əsas məqsəd əlifbanın sabitliyini qorumaq olmalıdır. O, həmçinin köhnə əlifbanın, o cümlədən kiril və ərəb qrafikası əsasında formalaşmış əlifbanın öyrənilməsinin vacibliyini vurğulayıb. Bu biliklərin tariximizə və keçmişdə yazılmış mənbələrə çıxış baxımından əhəmiyyətli olduğunu bildirib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Azərbaycan əhalisi artaraq 10 milyon 282 min nəfəri keçdi
Həyətyanı torpaqlara çıxarış almaq mümkün olacaq
Soltanlı kəndinə daha 16 ailə geri qayıtdı
2027-ci ildən dövlət qurumlarına qəbul qaydaları dəyişir
Məleykə Abbaszadə DİM-dən ayrıldı, rektor təyin edildi
Noyabrın 19-da Bakıda hava mülayim və yağmursuz olacaq
Bu mənzillər vergidən azad ediləcək