Azərbaycanlı aktrisa iflic ola bilər – FOTOLAR

Azərbaycanlı aktrisa iflic ola bilər - FOTOLAR

Aparıcı-aktrisa Sevinc Şirinova iflic ola bilər.

Bu haqda Minval.info-ya açıqlamasında aktrisa məlumat verib. O bildirib ki, müalicə olunmasa, yataq xəstəsinə çevriləcək:

“Uzun müddət idi ki, bel, baş, qol-boyun ağrılarından əziyyət çəkirdim. Ağrılar dözülməz olanda həkimə müraciət etdim. Məlum oldu ki, boyunda olan disklərim çıxmış və yırtıq yaranıb. Müalicə olunmasam, yataq xəstəsinə çevriləcəyəm. Hazırda müalicə olunuram. Səhhətim yaxşılığa doğru gedir. Bu çox bahalı prosedurdur.

Ailəm və dostlarım dəstək olur. Çünki vəziyyətin ağırlığından xəbərdardılar. Kimdənsə kömək istəməyə utanıram. Hələ ki, gücüm çatana qədər öz gücümə müalicəmi davam etdirəcəyəm. Maddi-mənəvi kömək edən dost-tanışa təşəkkürümü çatdırıram.

Əsasən də, həkim Tural Məhərrəmova çox təşəkkür edirəm. Onun sayəsində sağlamlığıma qovuşuram. Artıq sosial həyatıma geri dönmüşəm. Çünki sağalmağım üçün işləməliyəm. Səhhətimlə maraqlanan hər kəsə minnətdaram. Dualarınızı məndən əskik etməyin”.

Qeyd edək ki, S. Şirinova bir çox filmdə rol alıb. İki telekanalda aparıcılıq edib.

Minval.İnfo