Azərbaycanda kafedə DƏHŞƏTLİ HADİSƏ: sahibkarı müdafiə etdiyinə görə öldürüldü

Quba rayonunda qətl törədilib.

Publika.az xəbər verir ki, iyulun 22-də saat 23 radələrində Quba rayonunun Aşağı-Atuc kəndi ərazisindəki kafelərdən birinin qarşısından Aşağı-Xuc kənd sakini Babək Şükürov kəsilmiş-deşilmiş xəsarətlə xəstəxanaya aparılarkən yolda ölüb. Quba RPŞ və rayon prokurorluğu əməkdaşlarının keçirdikləri təxirəsalınmaz əməliyyat-axtarış və istintaq tədbirləri nəticəsində hadisəni münaqişə zəminində törətməkdə şübhəli bilinən kənd sakini, əvvəllər məhkum olunmuş C.Əhmədxanov saxlanılıb.

Faktla əlaqədar Cinayət Məcəlləsinin müvafiq maddəsi ilə cinayət işi başlanmış, araşdırma aparılır.

ƏLAQƏLİ

Bunu da oxu

Bu tarixdən leysan yağacaq, dolu düşəcək - xəbərdarlıq

20.10.2026 - 15:24

İlkin araşdırmalar zamanı məlum olub ki, C.Əhmədxanov dostu ilə kafedə xeyli vaxt oturub. Kafe sahibi ona xeyli vaxtdır yeri məşğul etdiyini deyib və masanı boşaltmasını xahiş edib. Lakin C.Əhmədxanov kafe sahibinin sözünə əməl etməyib və onunla mübahisə etməyə başlayıb. Bu zaman digər masada olan 30 yaşlı Babək həmin şəxsə sakit olmasını bildirib. Daha əvvəl də həbsxana həyatı yaşamış Əhmədxanov Babəkin sözünə əsəbiləşib və onunla dava etməyə başlayıb. O, üzərində gəzdirdiyi bıçaqla kafe sahibini müdafiə edən şəxsə ağır xəsarət yetirərək onu qətlə yetirib.