Azərbaycanda fotoqraf faciəvi şəkildə öldü

Dünən Kürdəmir rayonunda baş vermiş dəhşətli yanğınla bağlı bəzi məqamlar üzə çıxıb.

Minval.info publika.az-a istinadən xəbər verir ki, günorta saatlarında Kürdəmir şəhərinin Nizami küçəsi, ev 9 ünvanında birmərtəbəli 4 otaqlı evin yanması nəticəsində vəfat edən 1978-ci il təvəllüdlü Namiq Rafiq oğlu Əliyev fotoqraf olub.

Rayonun tanınmış fotoqraflarından olan Rafiq Əliyevin oğlu olan Namiq atasının peşəsini davam etdirirmiş.

Evin hansı səbəbdən yanması hələlik məlum deyil.

Faktla bağlı aidiyyatı qurumlar tərəfindən araşdırma aparılır.