Azərbaycanda deputatlığa namizəd qəzaya düşdü - FOTOLAR

Deputatlığa namizəd Nazim Məmmədov avtomobil qəzasına düşüb. O, seçkiləri ilə görüşə gedirmiş.

Musavat.com xəbər verir ki, sabiq deputat Gədəbəy rayonunun Fərzalı kəndində qəzaya düşüb.

Nazim Məmmədov və avtomobildə olan digər sərnişinlər qəza zamanı xəsarət almayıb. Amma avtomobilə ciddi ziyan dəyib.

Qeyd edək ki, Nazim Məmmədov 9 fevralda keçiriləcək parlament seçkilərinə namizədliyini irəli sürüb. Qəza baş verən zaman da Gədəbəy rayonunda seçicilərlə görüşə gedirmiş.