Azərbaycanda bronxial astmalı uşaqları sayı ildən-ilə artır
İlin əvvəlindən indiyədək bronxial astma xəstəsi olan 900 uşağın stasionar şəraitdə müalicə və müayinə olunması üçün 6 saylı Uşaq Kliniki Xəstəxanasının allerqologiya şöbəsinə müraciət edilib.
Bunu Oxu.Az-a açıqlamasında şöbə müdiri Lalə Axundova deyib.
Onun sözlərinə görə, ildən-ilə bu xəstəliklə bağlı müraciət edənlərin sayı artır:
“2018-ci ildə 875 belə xəstə müraciət etmişdi. Amma bu günə kimi eyni diaqnozla 900 xəstə qeydiyyatdan keçib. İlin sonuna kimi daha 300-400 xəstənin müraciət edəcəyi istisna deyil. Hər il xəstələrin sayı 75-200 arası çoxalır.
Son vaxtlar daha çox Quba, Qusar, Gəncə, Ağdaş, Zaqatala, Balakən, Lerik və Lənkərandan gələnlərin sayı artıb. Məlumdur ki, rütubətli zonalarda bu xəstəlik daha geniş yayılıb. Pirşağı, Mərdəkan, Maştağa və digər Bakıətrafı qəsəbələrdən də müraciət edənlər olur.
Amma ümumi olaraq hazırda allerqoloji mərkəzin poliklinika şöbəsində Bakı şəhəri üzrə 2000-ə yaxın bronxial astmalı uşaq qeydiyyatdadır”.
L.Axundova əlavə edib ki, bu xəstəliyin yaranmasının əsas səbəbi genetikdir:
“Çox vaxt ekoloji problemlər, qida məhsullarının tərkibində olan müxtəlif maddələr bronxial astma xəstəliyinin yaranmasına səbəb ola bilir. Amma genetik faktorlar daha mühüm rol oynayır.
Allerqologiya şöbəsinə daha çox 6-12 yaş arası uşaqlar gətirilir. Bəzən həmin uşaqlar yaşadıqları rayonda aldıqları müalicənin xeyrini görmürlər. Buna görə də bizim şöbəyə müraciət edirlər”.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Kefirin zərərləri: hər kəs üçün uyğun deyilmiş
Arıqlama iynələri dırnaqların qopması riskini artıra bilər
Gənc nəsildə xərçəng halları artacaq
Köhnəlmiş çörək xərçəng riskini artıra bilər
Bu halda isti vanna qəbul etmək olmaz
Kardioloqdan alkoqol istifadəsi ilə bağlı diqqətçəkən xəbərdarlıq
Damar tıxanmasının təhlükələri: Kardioloqdan ciddi xəbərdarlıq
