Azərbaycanda 9 yaşa qədər 66 uşaq koronavirusa yoluxub

Azərbaycan Respublikası Nazirlər Kabineti yanında Operativ Qərargahın növbəti mətbuat konfransı keçirilib.

Minval.info xəbər verir ki, mətbuat konfransında Nazirlər Kabinetinin mətbuat katibi İbrahim Məmmədov və TƏBİB-in rəhbəri Ramin Bayramlı iştirak edib.

Ramin Bayramlı Azərbaycanda koronavirusa yoluxma hallarında qeydə alınan yaş qrupları ilə bağlı da məlumat verib.

Məlumata əsasən Azərbaycanda 0-9 yaş arası 66 nəfər, 10-19 yaş arası 60 nəfər, 20-29 yaş arası 175 nəfər, 30-39 yaş arası 214 nəfər, 40-49 yaş arası 198 nəfər, 50-59 yaş arası 248 nəfər, 60-69 yaş arası 157 nəfər, 70-79 nəfər yaş arası isə 56 nəfər virusa yoluxub.

R.Bayramlı uşaqların səhhətində ciddi problemin olmadığını və onların nəzarət altında olduqlarını bildirib.