Azər axşamın ölüm xəbəri yenidən gündəmdə: “Bu xəbərləri kim və niyə yayır?

Azər axşamın ölüm xəbəri yenidən gündəmdə: "Bu xəbərləri kim və niyə yayır?

Aparıcı və aktyor Azər Axşamın ölüm xəbəri yenidən gündəmə gəlib. Bu barədə yayılan məlumatlara cavab olaraq, Azər Axşam öz sosial media hesabında açıqlama verib.

Minval.info xəbər verir ki, sənətçi yayılan xəbərlərin mənbəyini və məqsədini anlamadığını bildirib. O, bu xəbərlərin kim tərəfindən yayıldığını və bunun hansı məqsədə xidmət etdiyini sorğulayıb: “Çox maraqlıdır ki, bu xəbərləri kim yayır və onların qazancı nə olur? Allah onlara hidayət versin. Bu gün bir jurnalist xanım zəng edib dedi ki, Azər müəllim, yenə sizin ölüm xəbəriniz yayılıb.”

Azər Axşam, bu cür xəbərlərin artıq dəfələrlə yayıldığını və yalnız onunla deyil, digər sənətçilərlə də bağlı belə xəbərlərin yayıldığını vurğulayıb. O, hər şeyin yaxşı olduğunu və hər kəsə can sağlığı arzuladığını əlavə edib: “Canı verən də, alan da Allahdır. Hər kəsə can sağlığı arzulayıram.”