Aygün Kazımovadan Qarabağ qazisinə həssas davranış - Video

Xalq artisti Aygün Kazımova Azərbaycan Dövlət Bədən Tərbiyəsi və İdman Akademiyasında keçirilən 2019-cu ilin idman yekunlarına həsr olunmuş tədbirdə iştirak edib.

Minval.info oxu.az-a istinadən xəbər verir ki, müğənni tədbir zamanı Dağlıq Qarabağ müharibəsində ağır xəsarət alan, Paralimpiya Oyunlarında Dünya Kubokunun qalibi Əkbər Muradovun qarşısında diz çökərək mahnısını səsləndirib.

A.Kazımova ifası zamanı əlindəki gül çələngi ilə Ə.Muradova yaxınlaşıb. Qarabağ veteranın qarşısında diz çökən Kazımova gülü ona təqdim edib.

Sənətçinin bu addımı tədbir iştirakçıları, eləcə də Gənclər və İdman naziri Azad Rəhimov tərəfindən alqış və rəğbətlə qarşılanıb.