Avropa Liqası: “Ayntraxt” “Çelsi”ni, “Arsenal” “Valensiya”nı qəbul edəcək – AFİŞA

Avropa Liqası: "Ayntraxt" "Çelsi"ni, "Arsenal" "Valensiya"nı qəbul edəcək - AFİŞA

Bu gün UEFA Avropa Liqasında yarımfinal mərhələsinin ilk oyunları keçiriləcək.

“Report” xəbər verir ki, Almaniyanın avrokubokda mübarizəni davam etdirən yeganə təmsilçisi “Ayntraxt” İngiltərənin “Çelsi” komandasını qəbul edəcək. Qrup mərhələsində maksimum nəticə göstərən Frankfurt klubu yarımfinala qədər cəmi bir oyunda məğlub olub. Adolf Hütterin rəhbərlik etdiyi kollektiv Portuqaliyada baş tutmuş 1/4 finalın ilk görüşündə “Benfika”ya uduzub – 2:4. Lakin bu komanda evdə 2 cavabsıq qolla qalib gəlməklə, mərhələ keçib. Bundan başqa, “Ayntraxt” 1/16 finalda Ukrayna “Şaxtyor”unu (2:2, 4:1), ardınca isə İtaliya “İnter”ini (0:0, 1:0) mübarizədən kənarlaşdırıb.

“Çelsi” Avropa Liqasının cari mövsümündə keçirdiyi 12 oyundan heç birində uduzmayıb. Bir matçda heç-heçə edən “zadəganlar” 11 qarşılaşmadan qalib ayrılıblar. Mauritsio Sarrinin baş məşqçi olduğu komanda qrupdan çıxanda sonra İsveçin “Malmö” (2:1, 3:0), Ukraynanın “Dinamo” (3:0, 5:0) və Çexiyanın “Slaviya” (1:0, 4:3) kollektibindən güclü olub.

Ronaldo cəzalandırılmasına belə reaksiya verdi

ƏLAQƏLİ

Bunu da oxu

Ronaldo cəzalandırılmasına belə reaksiya verdi

20.10.2026 - 10:24

Gecənin digər oyunu Londonda baş tutacaq. Ötən mövsüm turnirin yarımfinalında İspaniyanın digər təmsilçisi “Atletiko”ya uduzan (1:1, 1:0) “Arsenal” “Valensiya”nı qəbul edəcək. “Qarabağ”la birgə E qrupunda yer almış baş məşqçi Unay Emerinin komandası yarıfinala qədər Belarusun BATE (0:1, 3:0), Fransanın “Renn” (1:3, 3:0) və İtaliyanın “Napoli” (1:0, 2:0) kollektivlərindən güclü olub.

Yarımfinalçılar arasında cari avrokubok mövsümündə çıxışına Çempionlar Liqasından başlayan yeganə komanda – “Valensiya” isə yarımfinala kimi Şotlandiyanın “Seltik” (2:0, 1:0), Rusiyanın “Krasnodar” (2:1, 1:1) və İspaniyanın “Vilyarreal” (3:1, 2:0) klublarını keçib.

Qeyd edək ki, cavab matçları mayın 9-da olacaq. Avropa Liqasının final oyunu mayın 29-da Bakı Olimpiya Stadionunda keçiriləcək.