Araz-Naxçıvan"ın yeni məşqçisi ilə ilk sınağı: İmişli ilə qolsuz bərabərlik

Misli Premyer Liqasının ilk turunda daha bir maraqlı qarşılaşma baş tutub. Qəbələ şəhər stadionunda keçirilən oyunda “Araz-Naxçıvan” komandası “İmişli”ni qəbul edib. Matçın sonunda hər iki tərəf qapılara yol tapa bilməyib və oyun 0:0 hesabı ilə başa çatıb.

Minval.info xəbər verir ki, “Araz-Naxçıvan” klubunun baş məşqçi postuna Zaur İsmayılov təyin edilib. Klubun idman nəticələrinə isə Cavid Hüseynov cavabdeh olacaq. İsmayılovun UEFA PRO kateqoriyasına sahib olması, lisenziyalaşdırma qaydalarına uyğunluq baxımından klub üçün əhəmiyyətli bir addım hesab edilir.