Almaniya hökuməti Ukraynaya “Marder” piyada döyüş maşınlarının tədarükünə mane olub.

Modern.az xəbər verir ki, bu barədə “Bild” qəzeti məlumat yayıb.

Nəşrin məlumatına görə, əsas nazirlərin daxil olduğu Federal Təhlükəsizlik Şurası bir aydır “Rheinmetall” şirkətinin istehsal etdiyi 100-ə qədər “Marder”in ixracı ilə bağlı qərar qəbul etmir.

“Bild” Almaniya Müdafiə Nazirliyinin məxfi sənədinə istinadən bildirib ki, piyada döyüş maşınlarının birinci partiyası altı həftə ərzində, qalanları isə 15 aya qədər müddətə döyüş vəziyyətinə gətirilə bilər.

Qəzetin yazdığına görə, hakimiyyət mart ayında Ukraynaya çatdırılmalara icazə versəydi, o zaman Kiyev bu maşınlardan artıq istifadə edə bilərdi.