Ağdaşda erkən nikahın qarşısı alındı: İtv əməkdaşlarına hücum anı kamerada!

Ağdaşda erkən nikahla bağlı çəkiliş aparan İTV əməkdaşları toy sahiblərinin hücumuna məruz qalıb. Hadisə yetkinlik yaşına çatmayan qızın toy mərasiminin keçirilməsi zamanı baş verib.

Minval.info xəbər verir ki, İTV Xəbərin çəkiliş qrupu bu hadisəni işıqlandırmaq üçün ərazidə olub. Toy sahibləri çəkiliş qrupuna qarşı zorakı davranışlar sərgiləyərək, onların işinə mane olmağa çalışıblar.

Qeyd edək ki, yetkinlik yaşına çatmayan qızın toyunun keçiriləcəyi barədə məlumat əsasında polis və aidiyyəti qurumlar tərəfindən araşdırma aparılıb. Araşdırma nəticəsində qızın 17 yaşında olduğu müəyyən edilib və erkən nikahın hüquqazidd olduğu izah edilib. Nəticədə, planlaşdırılan toy məclisi təxirə salınıb.