Ağdaşda 17 yaşlı qızın toyu polis müdaxiləsi ilə dayandırıldı: Valideynlərə xəbərdarlıq edildi

Ağdaş rayonunda yetkinlik yaşına çatmayan bir qızın toy mərasiminin keçirilməsi planlaşdırılırdı. Lakin bu barədə məlumat alan polis dərhal müdaxilə edərək araşdırmalara başladı.

Minval.info xəbər verir ki, Daxili İşlər Nazirliyinin mətbuat xidmətinin regional qrupunun verdiyi məlumata əsasən, Rayon Polis Şöbəsi əməkdaşları tərəfindən hadisə ilə bağlı bütün zəruri tədbirlər həyata keçirilib.

Araşdırmalar zamanı qızın 17 yaşında olduğu müəyyən edilib. Polis və digər aidiyyəti qurumların nümayəndələri oğlan və qızın valideynləri ilə görüşərək, bu cür hərəkətlərin qanunazidd olduğunu izah ediblər. Nəticədə, planlaşdırılan toy mərasimi təxirə salınıb.

ƏLAQƏLİ

Bunu da oxu

Xalq artisti gülyaz məmmədovadan gənc müğənnilərə məsləhət: Həyat yoldaşınızın istəmədiyi işi görməyin

07.08.2026 - 18:46