Ağdam kəndində gecə baş verənlər və indiki vəziyyət- cəbhədən xəbər

İki gündür şiddətli döyüşlərin getdiyi Tovuzun Ağdam kəndi istiqamətində gecə saatlarından etibarən nisbi sakitlikdir.

“Yeni Müsavat” qəzetinin Ağdam kəndinə ezam olunan reportyor qrupu xəbər verir ki, dünən saat 20:00 radələrindən etibarən atəş səsləri səngiyib. Gecə saatlarında isə fasilələrlə qarşılıqlı atışma olub.

Bir neçə saatlıq sükut isə saat 7:00-da pozulub. Bu dəfə də ermənilərin atəş zərbələrinə Azərbaycan ordusu tərəfindən cavab verilib.

Hazırda Ağdam kəndi ərazisi polis və hərbçilər tərəfindən ciddi nəzarətdədir. Kəndə yalnız sakinlərin girişinə icazə verilir.

Əlavə məlumat verməyə çalışacağıq.

İlkin Muradov
Məhəmməd Türkmən