Afət Fərmanqızı: “Məni toylara çağırmayın”

“Niyə biriniz nazirlərə, deputatlara demirsiniz? “Duxunuz” çatırsa, nazirləri, deputatları yazın. Gəlib başınıza oyun açarlar. Başqa səhifələrə baxıram, ruslara, türklərə, belə təhqirlər yazmırlar”.

BAKU.WS xəbər verir ki, bu sözləri müğənni Afət Fərmanqızı “Instagram” hesabında həmkarı Manaf Ağayevlə canlı yayım edərkən bildirib. O qeyd edib ki, pandemiya zamanı yardımlar edəndə ona zəng edib deyiblər ki, səni araşdıracağıq:

“Mənim oğlum Ukraynada doğulub. Onu fəxrlə Azərbaycan vətəndaşı eləmişəm. Dövlət özü göndərib get oxu, nə vaxt da müharibəyə çağıracaq, gəlib döyüşəcək.

ƏLAQƏLİ

Bunu da oxu

Toy mövsümü geri dönür: Avqustun ikinci yarısında qiymətlər necə dəyişəcək?

06.08.2026 - 03:32

Başqaları kimi o kişinin, bu kişinin pulun yemirəm. Oxuyub öz pulumu qazanıram. Mənim nə qədər pulum var ki?! Mən nə qədər kömək edə bilərəm ki, bundan sonra 10 manat da heç kimə kömək etməyəcəm. Eləyirsən, deyirlər, hardan alır pulu? Eləmirsən, deyirlər, niyə etmir. Manaf sənə də məsləhət edirəm, yaşca kiçik olsam da, heç kimə kömək eləmə. Sən dövlətdən nə ev almısan, nə maaş almamısan.

Dövlətdən maaş alanlar aparıb bir aylıq maaşlarını kömək etmirlər. Mən də oxumuşam, qazanmışam. Ailələr sevindirmişəm.

Bundan sonra heç kimə kömək edən deyiləm. Ölənəcən bundan sonra bir adama da kömək etməyəcəm. Gəlib qapınızda hamballıq edib, tər-suyun içində oxumuşam, pulumu almışam.

ƏLAQƏLİ

Bunu da oxu

Ceki çan Bakıda: İçərişəhərin dar küçələrində aksiyon dolu çəkilişlər baş verir

06.08.2026 - 02:27

Kimsə mənə bir qəpik də elə-belə pul verməyib. Heç kim məndən yardım istəməsin, edən deyiləm. Efirdə də demişəm, mənim ehtiyacım yoxdur, məni toylara çağırmayın. Tək canımdır, bir peçenye bir ay bəsimdir”.