ABŞ Federal Rabitə Komissiyası robot texnologiyalarını təhlükə hesab edir

ABŞ Federal Rabitə Komissiyası (FCC), xarici ölkələrdə istehsal olunan insana bənzəyən robotları və bəzi digər robot texnologiyalarını milli təhlükəsizlik riski kimi qiymətləndirib.

Minval.info xəbər verir ki, FCC, bu məhsulların ABŞ bazarına çıxışını məhdudlaşdıran yeni qərar qəbul edib. Qərara əsasən, xarici mənşəli insana bənzəyən və dördayaqlı robotlar, eləcə də şəbəkələrə inteqrasiya olunan enerji invertorları ABŞ-də satışa çıxarıla bilməyəcək.

Ağ Evin təşəbbüsü ilə yaradılan ekspert qrupu, bu cihazların istehsal olunduğu ölkədən asılı olmayaraq, ABŞ-nin milli təhlükəsizliyi üçün ciddi risk yaratdığı qənaətinə gəlib. Son illərdə süni intellekt və robot texnologiyalarının sürətli inkişafı, bu texnologiyaların təhlükəsizlik baxımından yaratdığı risklərə dair müzakirələri artırıb.