56 yaşlı kişi sirkə turşusu içib intihar etdi

Masallının 56 yaşlı sakini sirkə turşusu içərək özünü öldürüb.

Oxu.Az-ın bölgə müxbirinin verdiyi xəbərə görə, Masallı şəhərində yaşayan Əliyev Mübariz Zülfüqar oğlu evində sirkə turşusu içərək həyatına son qoymaq istəyib. Ağır vəziyyətdə xəstəxanaya yerləşdirilən 56 yaşlı kişi 3-4 saatdan sonra reanimasiya şöbəsində dünyasını dəyişib.

İntiharın hansı səbəbdən baş verdiyi hələlik məlum deyil. Faktla bağlı araşdırma aparılır.