48 məktəb yeni tədris ilində distant təhsilə keçir

Yeni tədris ilində 48 məktəb distant təhsilə keçəcək. Ucqar kənd məktəblərində müəllim çatışmazlığının həlli məqsədilə tətbiq olunan hibrid təhsil modelinin əhatə dairəsi genişləndirilir.

Minval.info xəbər verir ki, bu barədə Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov sentyabr konfransında məlumat verib. O bildirib ki, ötən tədris ilində 8 məktəbdə tətbiq olunan model bu il 48 məktəbi əhatə edəcək. Bu modeldə müəllim təminatı mümkün olmayan məktəblərə yüksək nəticə göstərən müəllimlər distant formada cəlb olunur və onlayn dərs keçir.