250 ailənin 2 aylıq qida ehtiyacını ödədi

Rusiyada yaşayan müğənni Rəqsanə İsmayılova Moskvada koronavirus səbəbilə qazanc yerini itirən və çətin şəraitə düşən 250 azərbaycanlı ailənin 2 ay müddətinə qida ehtiyacını öz üzərinə götürüb.

Minval.info xəbər verir ki, müğənni hər bir ailəyə bacardığı qayğını göstərəcəyini bildirib:
“Moskvada bütün azərbaycanlılar varlı yaşamır. Bir çoxu gündəlik qazanc əldə edir. Bəziləri də qeyri-rəsmi işləyirlər. İş yerləri bağlandığından onlar indi çətin vəziyyətdədir. Amma narahat olmasınlar. Mən Moskvada onların hər birinə bacı, xala, bibi, ana olacağam. Ehtiyacı olan utanmadan mənə yazsın”.

Qeyd edək ki, müğənni daha öncə Moskvadan Bakıya qayıda bilməyən 8 azərbaycanlını evində qonaq etmişdi.