10 min manat maaşlı iş axtaranlar üçün fürsət: ƏƏSMN vakansiya elan edir

Əmək və Əhalinin Sosial Müdafiəsi Nazirliyi (ƏƏSMN) “Əmək və Məşğulluq” altsistemində müxtəlif işəgötürənlər tərəfindən təqdim olunan 65 mindən çox aktiv vakansiya elan edib. Bu vakansiyalar arasında ən yüksək əməkhaqqı 10 000 manat, ən aşağı əməkhaqqı isə 400 manatdır.

Minval.info xəbər verir ki, işsiz və ya iş axtaran şəxslər bu vakansiyalara müraciət etmək üçün Dövlət Məşğulluq Agentliyinin regional filiallarına və ya DOST mərkəzlərinə müraciət edə bilərlər. Burada karyera məsləhətçiləri tərəfindən şəxsin məşğulluq imkanları qiymətləndirilir və uyğun vakansiyalar təqdim olunur. Şəxsin uyğun vakansiyaya müraciəti qeydə alınır.