Zülfüqarovdan Paşinyana: Dördüncü Respublika xülyası!

Keçmiş xarici işlər naziri Tofiq Zülfüqarov Ermənistan Baş naziri Nikol Paşinyanın “Dördüncü Respublika” ideyası və yeni hökumət proqramını kəskin şəkildə tənqid edib. Zülfüqarov, erməni dövlətçiliyinin tarixi mərhələlərinə nəzər salaraq, Birinci respublika (1918-1920), İkinci respublika (Ermənistan SSR, 1920-1991) və 1991-ci ildən bəri davam edən Üçüncü respublikanın mövcud olduğunu qeyd edib.

Minval.info xəbər verir ki, keçmiş diplomat Üçüncü respublikanın mahiyyətinə toxunaraq, onun ideoloji məzmununun “Üçüncü Reyx”i xatırlatdığını vurğulayıb. O, bu respublikanın yaradıldığı andan Azərbaycanın ərazisinin bir hissəsini özünə birləşdirdiyini bəyan etdiyini, Türkiyəyə ərazi iddiaları irəli sürdüyünü və faşizmin erməni forması olan nejdizmi ideologiya olaraq seçdiyini bildirib.

Zülfüqarov, 2020-ci ildəki kapitulasiyadan sonra Paşinyanın “Dördüncü Respublika” layihəsi ilə çıxış etdiyini, lakin mahiyyətcə qanunvericilik səviyyəsində ərazi iddialarından imtina etmədiyini qeyd edib. O, Paşinyanın İkinci respublikanın (Ermənistan SSR) sərhədlərini əldə etmək istəyini, yəni kommunist müstəmləkə hakimiyyətinin qərarlarını qanuniləşdirmək niyyətini tənqid edib. Zülfüqarov, “Erməni Üçüncü Reyxi” darmadağın edildikdən sonra Paşinyanın “Dördüncü respublikası”nın SSRİ kommunist rəhbərliyinin Azərbaycana qarşı işğalçı siyasətinin nəticələrini tanıtdırmağa çalışdığını bildirib.

ƏLAQƏLİ

Bunu da oxu

Paşinyan Moskvadakı səfirini geri çağırır

21.08.2026 - 15:33

Tofiq Zülfüqarov Ermənistan rəhbərliyinin bu yanaşmasına sualla cavab verib: “Paşinyan həqiqətən elə düşünür ki, biz buna razı olacağıq? Göründüyü kimi, “Koka-Kola”dan gənc olan real erməni dövlətçiliyi kapitulasiyadan sonra Azərbaycanın tarixi torpaqları hesabına ərazi bonusu almaq məqsədi güdür?”