Zidan Mbappe haqqında danışmaqdan imtina etdi

“Real Madrid”in baş məşqçisi Zinəddin Zidan PSJ-nin ulduzu Kilian Mbappe haqqında verilən suala cavab verməkən imtina edib. Baxmayaraq ki, Zidan bundan əvvəl fransalı futbolçunun “Real Madrid”ə transfer oluna biləcəyini istisna etmirdi.

Realmadrid.com saytının məlumatına görə, Zidan mətbuat konfransında jurnalistlərin bu mövzuda sualını belə cavablandırıb:

“O, PSJ-nin oyunçusudur. Mən orada baş verənləri müzakirə etmək istəmirəm. Bu, hörmətsizlik olardı. Qalan məsələlərə gəlincə, insanlar bilir ki, mən Kilianı çox yaxşı tanıyıram. Lakin müəyyən məsələlərə hörmətlə yanaşmaq lazımdır”.