Zelenskini Sırskini işdən çıxarmağa vadar edən ƏSAS SƏBƏB

Ukraynanın hərbi-siyasi rəhbərliyində son dövrlərin ən böyük və səs-küylü kadr islahatı baş verib. Prezident Volodimir Zelenski Silahlı Qüvvələrin baş komandanı Aleksandr Sırskini rəsmən vəzifəsindən azad edib.

Minval.info xəbər verir ki, Ukrayna mediasının etibarlı rəsmi mənbələrə istinadən yaydığı məlumatlara görə, bu gözlənilməz qərar dövlət başçısının cəmiyyətin rəyinə həssas yanaşdığını və “xalqından qopmadığını” nümayiş etdirmək məqsədi daşıyır. Mənbələr bu addımı ötən il NABU (Milli Korrupsiyaya Qarşı Mübarizə Bürosu) və SAP (Xüsusi Korrupsiyaya Qarşı Prokurorluq) ətrafında yaşanan gərgin hadisələrlə müqayisə ediblər. Həmin dövrdə Avropadan gələn güclü təzyiqlərə baxmayaraq, dövlət başçısı xalqın mövqeyini əsas götürmüşdü.

Anonim mənbələr həmçinin qeyd edirlər ki, son vaxtlar daxili siyasətdə Zelenskini əhalinin və ordunun rəyini yetərincə nəzərə almamaqda təqsirləndirənlərin sayı kəskin artmışdı. Ukrayna lideri məhz Sırskini postundan uzaqlaşdırmaqla özünə qarşı yönələn bütün bu kəskin ittihamları birdəfəlik təkzib etmək və xalqla çiyin-çiyinə olduğunu sübut etmək istəyib.

Artıq yeni baş komandanın təyinatı ilə bağlı hərbçilər və yüksək rütbəli zabitlərlə genişmiqyaslı məsləhətləşmələrə başlanılıb. Ekspertlər bu kadr dəyişikliyinin cəbhədəki hərbi taktikaya və ordu daxilindəki islahatlara necə təsir edəcəyini yaxın günlərdə bəlli olacağını vurğulayırlar.