Zelenski Trampın elçiləri ilə müharibəni müzakirə etdi

Ukrayna Prezidenti Volodimir Zelenski ABŞ Prezidenti Donald Trampın xüsusi elçiləri ilə görüş keçirib.

Minval.info xəbər verir ki, danışıqlarda Trampın nümayəndələri Stiv Uitkoff və Cared Kuşner iştirak ediblər.

Məlumata görə, tərəflər Rusiya-Ukrayna müharibəsinin başa çatdırılması üçün diplomatik səylərin yenidən necə aktivləşdirilə biləcəyini müzakirə ediblər.

“Bu gün Ukrayna Prezidenti Volodimir Zelenski ABŞ Prezidenti Donald Trampın elçiləri Stiv Uitkoff və Cared Kuşnerlə danışıqlar aparıb. Tərəflər müharibənin başa çatdırılması üzrə diplomatik səylərin necə bərpa olunacağına dair ideyaları müzakirə ediblər”, – məlumatda qeyd olunub.

Zelenskinin müşaviri Dmitri Litvin də görüşlə bağlı yayılan məlumatı təsdiqləyib.