Zelenski ABŞ-yə səfərə hazırlaşır

Ukrayna Prezidenti Volodimir Zelenskinin yaxın günlərdə ABŞ-yə rəsmi səfər edəcəyi bildirilir.

Minval.info xəbər verir ki, bu barədə Ukrayna Ali Radasının deputatı Yaroslav Jeleznyak mənbələrə istinadən teleqram kanalında paylaşım edib.

Deputatın sözlərinə görə, Zelenski və onu müşayiət edəcək nümayəndə heyəti bu həftə ABŞ-yə yola düşəcək. Səfər çərçivəsində sülh məsələlərinə həsr olunmuş görüşün keçirilməsi planlaşdırılır.

Jeleznyak qeyd edib ki, danışıqlardan sonra Ukrayna liderinin ABŞ Prezidenti Donald Trampla da görüşü baş tuta bilər.