Şərurlu doktor Avropa kral sülaləsi ilə qohum çıxdı

Naxçıvanın Şərur rayonunun Ərəbyengicə kəndindən olan doktor Müşfiq Hüseynovun Y-DNT testi nəticəsində ata xətti ilə Avropanın məşhur zadəgan və kral sülalələri ilə qohumluq əlaqəsi aşkar edilib.

Minval.info xəbər verir ki, bu nəticəni Azərbaycan DNT Layihəsi”nin inzibatçısı, genetik-tədqiqatçı və irsi xəstəliklər üzrə mütəxəssis Orxan Xansuvar öz sosial media hesabında paylaşıb.

Araşdırmanın nəticələrinə əsasən, həmyerlimizin genetik xətti E haploqrupunun V13 subkladının SK888 alt qolu kimi müəyyən edilib. Təxminən 3900 il yaşı olan bu subklad əsasən Cənubi Avropada və Balkan yarımadasında geniş yayılıb. Genetik xəttin Azərbaycana böyük ehtimalla Balkan miqrasiyaları dövründə gəldiyi ehtimal olunur.

ƏLAQƏLİ

Bunu da oxu

Üzeyir bəyin irsi: Milli musiqimizin təməli

19.09.2026 - 09:42

Macarıstan Milli Araşdırmalar İnstitutunun 2022-ci ildə apardığı rəsmi arxeogenetik tədqiqatlar göstərir ki, XV əsrin məşhur sərkərdəsi Yanoş Hunyadi və onun oğlu, Macarıstan Kralı Matyaş Korvin ata xətti ilə məhz bu genetik ailəyə mənsubdur. Bundan başqa, həmin mutasiyanın paralel qollarını Uinston Çörçill, Savoy İtaliya kral sülaləsi və Cüzeppe Qaribaldi kimi məşhur tarixi şəxsiyyətlər daşıyır.