Yerin dərinliyində sirli strukturlar aşkarlandı

Çinli alimlər süni intellekt texnologiyasından istifadə edərək Yerin mantiyası ilə nüvəsi arasındakı sərhədi araşdırıblar. 1990–2024-cü illər arasında toplanmış 2 milyondan çox seysmik məlumatı analiz edən neyroşəbəkə, 175 min zəif siqnalı müəyyənləşdirib.

Minval.info xəbər verir ki, bu araşdırma nəticəsində əvvəllər məlum olmayan altı anomal bölgə aşkar edilib. Alimlər bu strukturların qədim tektonik plitələrin qalıqları və ya qismən ərimiş zonalar ola biləcəyini bildirirlər. Bu yeni tapıntılar Yerin daxili quruluşu və istilik mübadiləsi haqqında daha ətraflı məlumatlar təqdim edə bilər.