Xocavənddə mina partladı: Minatəmizləmə əməkdaşı xəsarət aldı

Xocavənd rayonunda minatəmizləmə əməliyyatı zamanı bədbəxt hadisə baş verib. Əhəd Əhədov adlı əməkdaş piyada əleyhinə minaya düşərək müxtəlif dərəcəli bədən xəsarətləri alıb.

Minval.info xəbər verir ki, hadisə avqustun 2-də baş verib və xəsarət alan şəxs dərhal rayon mərkəzi xəstəxanasına çatdırılıb. Azərbaycan Respublikasının Minatəmizləmə Agentliyinin (ANAMA) verdiyi məlumata görə, Əhədovun vəziyyəti qənaətbəxşdir və həyatı üçün təhlükə yoxdur.