Xocalıda çadır toyu: Əmrah və Arzunun xoşbəxtliyi

Xocalı rayonunda Əmrah və Arzu adlı gənclərin toy mərasimi keçirilib. Bu hadisə Xankəndi şəhəri, Ağdərə və Xocalı rayonlarında Bərpa, Tikinti və İdarəetmə Xidmətinin İctimaiyyətlə əlaqələr şöbəsinin müdiri Afət Telmanqızı tərəfindən sosial şəbəkələrdə paylaşılıb.

Minval.info xəbər verir ki, Afət Telmanqızı paylaşımında gənclərə xoşbəxtlik arzulayıb və “Bu günlərə şükürlər olsun. Bundan sonra Qarabağımızdan yalnız toy sədası gəlsin. Əmrahla Arzuya da bu gözəl torpaqda xoşbəxt günlər arzulayıram” sözlərini qeyd edib.