Xəzərin statusu barədə Konvensiya əməkdaşlığın yeni səviyyəyə çıxmasına imkan verəcək
Xəzər dənizinin hüquqi statusu barədə Konvensiya Xəzəryanı dövlətlərin enerji sahəsində əməkdaşlığının daha yüksək səviyyəyə çıxmasına imkan verəcək.
Bunu Trend-ə özəl müsahibəsində Rusiya Federasiyasının (RF) energetika nazirinin müavini Anatoli Yanovski deyib.
Nazir müavininin sözlərinə görə, Rusiya regionun dörd dövləti ilə, o cümlədən Azərbaycanla əməkdaşlığa hazırdır:
“Bizim artıq azərbaycanlı tərəfdaşlarla müsbət birgə iş təcrübəmiz var. 90-cı illərin sonlarından Rusiyanın “Lukoyl” şirkəti Xəzər dənizində Azərbaycanın “Şahdəniz” yatağının işlənməsi üzrə konsorsiumda iştirak edir. Şirkətin layihədə payı 10 faizə bərabərdir”.
A.Yanovski əlavə edib ki, konsorsiumda iştirak müddəti ərzində investisiyaların həcmi 2 milyard dollardan çox olub:
“Biz hər zaman əməkdaşlığın inkişafını, yeni layihələrin reallaşdırılmasını, o cümlədən Xəzərin karbohidrogen ehtiyatlarının tədqiq sahəsində layihələrin reallaşdırılmasını hədəf qoymuşuq. Xəzərin hüquqi statusu barədə Konvensiyanın imzalanması, əlbəttə ki, yeni perspektivlər açacaq”.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Rusiya Xəzəri təhlükəli bölgəyə çevirir
Türkiyə xüsusi təyinatlıları 11 terrorçunu MƏHV ETDİ
Türkiyədə qətliam kimi yol qəzası - azı 15 nəfər ölüb
İranda əxlaq polisi qadını avtomobildən yerə atdı - VİDEO
Malayziya Kralı Türkiyəyə səfər edib
Türkiyədən S-400 açıqlaması: Yenilik yoxdur!
Krımda fövqəladə vəziyyət elan olunub
