UEFA "Fənərbağça" və futbolçularını araşdırır

UEFA, Türkiyənin məşhur futbol klubu “Fənərbağça” və onun iki futbolçusu Matteo Genduzi və Meyson Qrinvudla bağlı intizam araşdırmasına start verib. Bu araşdırmanın səbəbi, Çempionlar Liqasının pley-off mərhələsində “Lion”la Fransada keçirilən cavab matçından sonra baş verən hadisələrdir.

Minval.info xəbər verir ki, həmin görüşdə “Fənərbağça” “Lion”u 2:1 hesabı ilə məğlub edərək Çempionlar Liqasının əsas mərhələsinə vəsiqə qazanıb. Lakin matçın ardından Genduzi və Qrinvudun da iştirak etdiyi bir qarşıdurma yaşanıb ki, bu da UEFA-nın diqqətini çəkib.