Tutuquşunun futbol meydançasında macərası: Oyun dayandı, qələbə "seara"nın oldu

Braziliyada gənclər arasında keçirilən ölkə kuboku matçı qeyri-adi bir hadisə ilə yadda qalıb. “Flamenqo” və “Seara” komandalarının qarşılaşması zamanı bir tutuquşu oyun meydançasına daxil olaraq oyunun müvəqqəti dayandırılmasına səbəb olub.

Minval.info xəbər verir ki, bu maraqlı hadisə Teresopolis şəhərində matçın 17-ci dəqiqəsində baş verib. Tutuquşu alçaqdan uçaraq “Flamenqo”nun müdafiəçisi Valmirin üzərinə doğru hərəkət edib və qanadı ilə ona toxunmağa çox yaxınlaşıb. Futbolçu bu gözlənilməz hücumdan qaçmaq üçün yerə əyilmək məcburiyyətində qalıb.

Baş hakim, tutuquşunun meydançadan uzaqlaşmasını gözləyərək oyunu qısa müddətə dayandırıb. Hadisədən sonra oyun davam etdirilib və “Seara” komandası 2:1 hesabı ilə qələbə qazanıb.

ƏLAQƏLİ

Bunu da oxu

Azərbaycan gimnastı Selcan Mahsudova dünya çempionatında finala yüksəldi

07.11.2026 - 11:54

Qeyd etmək lazımdır ki, meydançaya daxil olan tutuquşu növcə dünyanın ən iri tutuquşularından biri hesab olunur. Onların bəzi növləri quyruqları ilə birlikdə 90-100 santimetr uzunluğunda və qanad açıqlığı bir metrdən artıq ola bilər.