Türkiyə və ABŞ arasında “təhlükəsiz bölgə” müzakirələri başladı

Türkiyə müdafiə nazirliyi ABŞ rəsmiləri ilə Suriyanın şimalında təhlükəsiz bölgənin yaradılması ilə bağlı müzakirələrə başlayıb.

Minval.info xəbər verir ki, Türkiyə müdafiə nazirliyindən verilən açıqlamada görüşmələrin rəsmən başladığı təsdiq edilib.

Görüşmələr zamanı İŞİD və PYD silahlılarının Suriyanın şimalından çıxarılması ilə bağlı şərtlər müzakirə olunacaq. Məsələ ilə bağlı ilk görüşmələr 23 iyulda baş tutmuşdu.

Türkiyə tərəfi son zamanlar verdiyi bəyanatda ABŞ-la razılıq əldə olunmayacağı təqdirdə təhlükəsiz bölgənin yaradılmasının tək tərəfli təmin olunacağını bildirmişdi.

Nazim Hacıyev

Minval.info