Türkiyədə təhsil işçilərinin 72 faizi tam peyvənd olunub

Türkiyədə təhsil sahəsində çalışanların koronavirusa qarşı vaksinasiya kampaniyasına cəlb olunması barədə statistika açıqlanıb.

Minval.info xəbər verir ki, bu barədə Türkiyənin səhiyyə naziri Fahrettin Koca tviter səhifəsində məlumat verib.

Bildirilib ki, müəllimlər arasında birinci doza vaksin olunanların göstəricisi 84,06 faiz, tam vaksinlənənlər isə 72,57 faiz təşkil edib.

Bütün Türkiyə əhalisi üçün bu rəqəmlər müvafiq olaraq 76,12 faiz və 58,23 faizdir.

“Məktəblər açılır. Hələ vaksin olunamamış müəllimlər də yaxında bizlərə örnək olacaqlar”, – nazir qeyd edib.