Timoşenko məğlub oldu, Zelenski ikinci tura keçdi
Ukraynada prezident seçkilərinin ikinci turuna “Xalqın qulu” partiyasının başçısı Vladimir Zelenski və hazırkı prezidenti Pyotr Poroşenko keçib.
TASS-ın məlumatına görə, bu barədə ölkənin Mərkəzi Seçki Komissiyası məlumat yayıb.
Məlumata görə, seçki bülletenlərinin 97,48 faizinin hesablanmasından sonra adıçəkilən iki namizəd avtomatik olaraq ikinci mərhələyə “vəsiqə” qazanıb. Onlar hesablanmış səslərin müvafiq ardıcıllıqla 30,24 və 15,93 faizini toplayıb.
Digər seçki iştirakçıları, o cümlədən, elektoratın 13,39 faizinin etimadını qazanmış keçmiş baş nazir Yuliya Timoşenko lazımi qədər səs toplamadığına görə seçkilərin ikinci turunda iştirak etməyəcək.
Xatırladaq ki, Ukraynada prezident seçkilərinin ilk mərhələsi martın 31-də keçirilib. Namizədlərdən heç biri 50 faizdən çox səs toplaya bilmədiyinə görə prezidentin kimliyinə ikinci mərhələdən sonra aydınlıq gələcək.
Qeyd edək ki, seçkilərin ikinci turu aprelin 21-də keçiriləcək.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Monteneqro və Xorvatiya arasında mübahisələr AB üzvlüyünə mane olur
Qrem Aktının dayandırılması: Ukrayna üçün yeni ssenarilər
Viktoriya hökuməti seçilərsə, pulsuz abort xidmətləri təklif edəcək
İran həm müharibəyə, həm də danışıqlara hazırdır — Qalibaf
Macarıstan Ukraynaya dəstək verməyəcəyini açıqladı
Türkiyədə seçki sorğusu: Ərdoğan və rəqibləri arasındakı fərq açıqlandı
