Tağıyevin bir-birindən xəbərsiz nəvə-nəticəsi AzTV-nin verilişində tanış oldular - VİDEO

AzTV-də yayımlanan “Yüz ilin adamları” layihəsinin növbəti buraxılışı milyonçu Hacı Zeynalabdin Tağıyevə həsr olunub.

Minval.İnfo xəbər verir ki, AzTV-nin Sosial media və ictimaiyyətlə əlaqələr şöbəsindən Trend-ə verilən məlumata görə, verilişdə nəcibliyi və mərhəməti ilə digər kapitalistlərdən fərqlənən, xeyirxahlığından hələ də bəhrələndiyimiz Tağıyev haqqında çox adamın xəbərsiz olduğu məqamlar açıqlanacaq.

Layihə komandası Tağıyevlə bağlı buraxılışı hazırlayan zaman onun Peterburqda yaşayan nəvəsi Oleq Sarayev, Parisdə yaşayan nəticəsi Alban Klod və Bakıda yaşayan digər nəticəsi Nazim Abdullayevlə görüşüb. “Yüz ilin adamları”nın kollektivi hətta bir-birindən xəbərsiz bu ailə üzvlərini tanış edib, onların onlayn görüşünü təşkil ediblər.

“Yüz ilin adamları” bu gün -martın 14-ü saat 22:00-da AzTV-də yayımlanacaq.