Sursatı bitdiyindən düşmənin öz pulemyotu ilə 23 ermənini məhv edən şəhidimiz

Bu gün şəhid baş çavuş Samiq Rəhmanovun doğum günüdür.

“Report”un Cənub Mərkəzi xəbər verir ki, 44 günlük Vətən Müharibəsində xüsusi qəhrəmanlıq göstərən igidlərdən biri də Astaradan olan Samiq Rizvan oğlu Rəhmanovdur.

Samiq Rəhmanov 1989-cu ildə Astaranın Səncərədi kəndində dünyaya gəlib.

Növbəti köç karvanı Ağalı kəndinə çatıb, açarlar sakinlərə təqdim olunub

ƏLAQƏLİ

Bunu da oxu

Növbəti köç karvanı Ağalı kəndinə çatıb, açarlar sakinlərə təqdim olunub

14.11.2025 - 15:22

Orta məkəbi bitirdikdən sonra hərbi xidmətə gedən Samiq Rizvan oğlu Rəhmanov 2014-cü ildən müddətdən artıq hərbi xidmətə əsgər kimi başlayıb. Snayper kursunu keçdikdən sonra aprel döyüşlərində yaxından iştirak edib.

Samiq sonradan çavuş və baş çavuş rütbələrinə yüksəlib. Onun döyüşlərdə iştirakı hələ 2016-cı ilin aprelində Lələtəpədən başlayıb. Vətən Müharibəsində döyüş yolunu Fizuli, Cəbrayıl, Zəngilan, Qubadlıda davam etdirib.

Samiq ilk dəfə Cəbrayılda başından, çiynindən və qolundan qəlpə yaraları alıb. Lakin hospitalda əməliyyatdan könüllü imtina edərək yenidən döyüşlərə qatılıb. Cəbrayıl istiqamətində ayağından xəsarət alsa da, yenə döyüş dostlarından, əsgərlərindən ayrılmayıb. Yaralı olduğu halda belə düşmənlə vuruşmağa davam edib.

TƏCİLİ! Arayikin qızları Qarabağdan QAÇDI - Necə çıxıblar?

ƏLAQƏLİ

Bunu da oxu

TƏCİLİ! Arayikin qızları Qarabağdan QAÇDI - Necə çıxıblar?

11.07.2023 - 12:11

Həyat yoldaşı Dünya Rəhmanova deyir ki, Samiq ailəcanlı, dostlarına, doğmalarına bağlı insan olub: “Evə son dəfə sentyabrın 26-da, müharibədən bir gün əvvəl gəlmişdi. Sonuncu dəfə isə onu hospitalda müalicə alan vaxt gördüm. Soruşdum hansı şəraitdə yaralandın? Cavab verdi ki, ağır döyüş gedirdi. Silahımın gülləsi qurtardı. Ermənilərin meydanda qoyub qaçdıqları pulemyotu götürüb döyüşü davam etdirdim. Düşmənin 23 nəfər canlı qüvvəsini məhv etdim. Lakin top mərmisi yanımda partladı”.

Azərbaycan Ordusunun qəhrəman Baş çavuşu Qubadlı uğrunda gedən döyüşlərdə şəhid olub. Samiq Rəhmanov Ali Baş Komandan tərəfindən “Vətən uğrunda” və “Fizulinin azad olunmasına görə” medalları ilə təltif edilib.

Onun iki qız övladı yadigar qalıb.