Sumqayıtda bəyin iştirakı olmadan toy qalmaqalı

Sumqayıtda bəyin iştirakı olmadan keçirilən toy mərasimi cəmiyyətdə böyük maraq doğurub. Jurnalist İlkin Abbas bu barədə açıqlama verərək, yanvar ayında nişanlandığı xanımla 10-12 gün əvvəl ayrılmaq qərarına gəldiyini bildirib. Lakin keçmiş nişanlısının ailəsi onun razılığı olmadan toy mərasimi təşkil edib.

Minval.info xəbər verir ki, İlkin Abbas hazırda Sumqayıtda yerləşən “Bəyaz Saray” şadlıq evində toyun keçirildiyini və bəy qismində onun adının getdiyini qeyd edib. O, bu vəziyyətin biabırçılıq olduğunu vurğulayaraq, son ana qədər bu hadisənin qarşısının alınacağını gözlədiyini, lakin məcbur buraxıldığını bildirib.

Jurnalist əlavə edib ki, keçmiş nişanlısı və ailəsi tərəfindən təhdid edildiyini, ayrılmaq qərarına baxmayaraq toyun keçiriləcəyinin bildirildiyini deyib. Hazırda Sumqayıtda keçirilən toyda bəyin iştirak etmədiyini və bu açıqlamanı verməyə məcbur olduğunu ifadə edib.