“Sevirəm, mənə hörməti var. “Nəfəsim, qəlbim” o dəyərli insana həsr olunub. Sevməsəydim, vaxtımı itirib bu mahnını yazmazdım”.

Minval.info xəbər verir ki, bu sözləri müğənni Nigar Camal “Show news” proqramına açıqlamasında bildirib. Sənətçi sevgilisindən danışarkən ikinci dəfə toy etməyəcəyini qeyd edib:

“20 yaşım var ki, toy etməyi düşünüm? O qədər işim var ki… Sevgilim uşaqdır ki, onu efirə çıxarıb yekəxanalıq edim? Doğrudan da bu, ağılsızlıqdır. İnsana hörmət qoyuram, ona deyim ki, gəl, səni də çəksinlər?”.

Bundan əlavə, N. Camal qızlarının seçimlərinə qarışmayacağını deyib: “Qızlarım İngiltərədə böyüyürlər, psixologiyaları başqadır. Onlar kiminləsə xoşbəxt olsa, desə ki, ana, sevirəm, mənə hörməti var. Onlara “yox” demərəm. Mənim üçün ən önəmlisi onların xoşbəxtliyidir.

Oğlan istər İngiltərə, istərsə də Azərbaycan şou-biznesindən olsun. Bunun heç bir önəmi yoxdur. Əsas onların xoşbəxtliyidir. Xoşuma gəlməyən insan barədə onları başa salaram ki, bu insan sənlik deyil. Amma bunu psixoloji zərər vurmadan, dostcasına izah edərəm. Uşaqlar böyüyürlər, həyat görməyiblər, onlara dəstək vermək lazımdır. Elə etmək lazımdır ki, xətirlərinə dəyməsin”.