22.11.2026 - 10:24
SEPAH Bəhreyndə ABŞ hərbi bazalarına hücum edib
Hərbi xəbər 167 baxış

SEPAH Bəhreyndə ABŞ hərbi bazalarına hücum edib

İranın İslam İnqilabı Keşikçiləri Korpusu (SEPAH) Bəhreyndə yerləşən ABŞ hərbi obyektlərinə raket və pilotsuz uçuş aparatları ilə hücumlar təşkil edib. Bu barədə “Baku.ws” xəbər verir ki, SEPAH-ın açıqlaması “Tasnim” agentliyi tərəfindən yayımlanıb.

Açıqlamada bildirilir ki, Bəhreynin Ər-Rifa və Əvali şəhərlərində yerləşən ABŞ bazaları bu hücumların hədəfinə çevrilib. SEPAH, ABŞ-yə məxsus pilotsuz uçuş aparatlarının İranın hava məkanını pozmasından sonra, həmin bazalarda yerləşən “Patriot” hava hücumundan müdafiə sistemlərinin iki radarının SEPAH-ın Aerokosmik Qüvvələri tərəfindən vurulduğunu bəyan edib.

SEPAH, İranın hava məkanının ölkənin silahlı qüvvələri üçün toxunulmaz bir sərhəd olduğunu vurğulayıb. Qurum, hava məkanının hər hansı xarici dövlət və ya qüvvə tərəfindən pozulması halında sərt cavab veriləcəyini xəbərdarlıq edib.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: