Şahzadə Harri və Elton Cona 13 milyon dollar zərbə!

London məhkəməsi, telefon dinləmələri ilə bağlı “The Daily Mail”in naşirinə qarşı iddia qaldıran, lakin məhkəmə prosesində uduzan Şahzadə Harri, müğənni və bəstəkar Elton Con və digər məşhurların üzərinə 13 milyon dollar məbləğində məhkəmə xərclərini ödəmək öhdəliyi qoyub.

Minval.info xəbər verir ki, İngiltərə və Uels Ali Məhkəməsi iyulun 7-də bir qrup məşhurun qanunsuz məlumat toplanması və şəxsi həyata müdaxilə ittihamları ilə “Associated Newspapers Limited” (ANL) şirkətinə qarşı qaldırdığı iddianı rədd edib.

“The Daily Mail”in naşiri, məşhurlar qrupundan 34,5 milyon funt-sterlinq (47 milyon dollar) məhkəmə xərcləri tələb edib. İddiaçıların vəkilləri ilkin məbləğ kimi 7,9 milyon funt-sterlinq (10,8 milyon dollar) ödənilməsində təkid etsələr də, hakim Metyu Niklin 9,5 milyon funt-sterlinq ödənilməsi barədə qərar çıxarıb. Bu məbləğ növbəti məhkəmə iclaslarında daha da arta bilər.